Ауыз су және газбен қамту көрсеткіші қашан жүз пайызға жетеді?

Жамбыл ауданының әкімі Ерлан Қыдыралыұлының айтуынша, ауданда өндіріс пен қайта өңдеу салаларын дамытуға, өнім көлемін ұлғайтуға, инвестициялық жобаларды іске асыру және инфрақұрылымдық әлеуетті арттыру секілді экономиканың негізгі бағыттарына басымдық берілген. Атап айтар болсақ, мемлекеттік бағдарламалар мен жергілікті бастамалардың нәтижесінде ауданда индустриалды-инновациялық жобалар кезең-кезеңімен жүзеге асырылуда. Сонымен қатар тұрғын үй құрылысы, жол жөндеу, әлеуметтік нысандарды жаңғырту бағытында да жүйелі жұмыстар атқарылып, ауданның экономикалық көрсеткіші арта түскен.