Қайраткерлер есімі ескірмейді
Тараз қаласының «Ұлан» стадионында Мемлекет және қоғам қайраткерлері, майдангерлер Асанбай Асқаров пен Мұқатай Жұрмұхамедовты еске алуға арналған іс-шара ұйымдастырылды. Шара аясында футболдан 2013 жылы туған жасөспірімдер арасындағы ашық облыстық турнирдің салтанатты ашылуы өтті.
Турнирді облыстық ардагерлер кеңесінің төрағасы Еркінбек Солтыбаев ашып, аталған қайраткерлер туралы естеліктерімен бөлісті.
Сондай-ақ жиында А.Асқаровтың келіні Ермеккүл Олжабаева, ағайыны Ескендір Жүнісов, ізбасар шәкірті Жетен Медеуов, мемлекеттік қызмет ардагері Светлана Қанапина мен М.Жұрмұхамедовтың ағайыны Әбдіраман Өтемісов және облыстық спорт саласы ардагерлерінің төрағасы Тәуірбек Қарауылтегі сөз сөйледі. Жарыстың демеушісі – кәсіпкер Әбдіраман Өтемісов екенін айта кеткен жөн. Сонымен қатар аталған тұлғалар рухына дастарқан жайылып, рухтарына Құран бағышталды.
Жарысқа бір команда Жұрмұхамедовтың алтын бесігі – Қостанай облысынан келіп қатысуда. Турнир 18 мамырда аяқталып, жеңімпаздарға диплом, медаль және ақшалай сыйлықтар табысталады деп жоспарлануда.
Есет ДОСАЛЫ