Тазалық мәдениеті – әр тұрғынның өзінен басталады
Облыста 15 сәуірден бастап Конго-Қырым геморрагиялық қызбасына қарсы залалсыздандыру жұмыстары басталады. Бұл туралы облыс әкімі Ербол Қарашөкеевтің төрағалығымен өткен аппараттық кеңесте айтылды.
Жиында облыстық ветеренария басқармасының басшысы Бақыт Бетбаев Конго-Қырым геморрагиялық қызбасының алдын алу шараларына кеңінен тоқталды.
Сонымен қатар, басқарма басшысы «Jambyl Cement» компаниясымен 10 миллион теңгеге демеушілігімен Тараз қаласының қоғамдық жерлері мен көпқабатты тұрғын үйлердің, білім нысандарының аумақтарына 3,6 мың көшет отырғызылғандығын жеткізді. Бұдан бөлек «Тараз металлургиялық зауыты» тарапынан 10 мың көшет, «Qazaq Soda» компаниясымен Сарысу ауданында 27 мың көшет отырғызу жоспарланып, бүгінгі күнге 3 мыңға жуық көшет отырғызылған.
Айта кету керек, өңірде «Таза Қазақстан» акциясының ақпараттық сервисі іске қосылып, телеграмм бот арқылы өтінімдер қабылдануда. 19 санат қарастырылған сервисте тұрғындар онлайн форматта тікелей өтінім жасай алады. Кеңес соңында облыс әкімі қоршаған орта тазалығы мен қоғамдық мәдениетті қамтамасыз ету – маңызды міндеттердің бірі екендігін атап өтіп, бірқатар аудан басшыларына тапсырмалар жүктеді.
Сондай-ақ, аймақ басшысы елді мекендерді абаттандыру, көгалдандыру және санитарлық тазалау жұмыстарын сапалы жүргізу, тұрғындардың экологиялық мәдениетін нығайту бойынша жауаптылардың алдына нақты міндеттер қойып, орындалу мерзімін белгіледі.
Нұрболат АМАНБЕК