Ауданда қылмыс саны азайған

Ел аумағының тұтастығы мен қоғамның қауіпсіздігін қамтамасыз етуде тәртіп сақшыларына жүктелген жауапкершілік жүгі ауыр. Демек, қоғамдық тәртіпті қатаң қадағалайтын тәртіп сақшыларының жұмысы қашанда жетілдіріп отыруды қажет етеді. Сонда ғана қоғамда қылмыс саны азая түспек. Бұл бағытта өңірде Жамбыл ауданы оң көрсеткішке ие. Мәселен, бүгінгі таңда ауданда қылмыс саны айтарлықтай азайған. Бұл туралы аудандық полиция бөлімінің бастығы, полиция полковнигі Дәурен Сәпиевтің тұрғындар алдындағы есеп беру жиынында айтты.
Оның сөзінше, жыл басынан бері құқықбұзушылықтың алдын алу және қылмысқа қарсы күрес бойынша жедел профилактикалық іс-шаралар кешенін жүргізу кезінде ауданда барлығы 23 қылмыс тіркелген. Бұл көрсеткіш өткен жылы екі есе көп болатын. Сондай-ақ, ауыр және аса ауыр қылмыстар 40-тан 18-ге, оның ішінде ауыр қылмыстар 16-дан 1-ге, ауырлығы орташа қылмыстар 16-дан 8-ге азайған.
Атап өтерлігі, жүргізілген жедел профилактикалық іс- шаралардың нәтижесінде қоғамдық орындарда, көшелерде және қару қолдану арқылы жасалған қылмыстар саны да 50 пайызға төмендеген.
Нұрболат АМАНБЕК
Жамбыл ауданы