Тарихи нысанның қабырғасы құлап жатыр

Облыс орталығының қақ төрінде орналасқан Төрткүл кешені осыдан он жеті жыл бұрын қазба жұмыстары кезінде ашылып, 67 миллион теңгеге қалыпқа келтіріліп, 2010 жылы пайдалануға берілген. Бұл күнде еліміздегі жалғыз ашық аспан астындағы мұражай бүгінде адам көргісіз күйге түскен. Уақтылы күтім жасалмауынан кешен қабырғаларының кей тұстары опырылып түсіп, батырлар мүсіндерінің де тозығы жетіп, темір бұйымдарды тат басқан. Тұрғындардың айтуынша, керуен сарайға соңғы екі-үш жыл айналасында келушілер қатары күрт азайған. Тіпті соңғы уақытта есігіне қара құлып салынып, жабылып қалған.