Көрерменің көп болсын

Театр өнері – талант пен талғам, шынайылық пен адалдықтан туған текті өнер. Себебі, театр сахнасында адам жанының айнасы, ой мен сезімінің үйлесімі сондай-ақ өмірдің түрлі қырлары шебер суреттеледі. Қазіргі таңда жүздеген жүректерді шымырлатып, сұрапыл сезімдерді серпілтер осынау құдіретті өнерге құштар жандардың қарасы қалың. Бұл туралы Мемлекет басшысы Қасым-Жомарт Тоқаев Бурабай баурайында өткен Ұлттық құрылтайдың IV отырысында баса айтты. Президент өз сөзінде халқымыздың мәдени әралуандығын сақтауға мүмкіндік беретін орыс және басқа да ұлттық театрларды қолдау маңызды екенін атап өтті.