Қосымша құн салығы кімдерге тиімсіз?

Салық кодексі аясында жүзеге асуы мүмкін жаңашылдықтың бірі – қосылған құн салығы бойынша есепке қоюдың шегін қазіргі 78 миллион теңгеден 15 миллион теңгеге дейін төмендету. Үкімет өкілдерінің пайымдауынша, бұл бизнеске де, мемлекетке де пайдалы болмақ. Олардың айтуынша, елімізде тіркелген 2 миллион 300 мың салық төлеушінің 137 мыңнан астамы ғана қосылған құн салығын төлеуге міндетті. Енді соның 88 мыңы ғана қосылған құн салығын төлеуде адалдық танытады екен. Бұл қаншама қаржының қазынаға құйылмай жатқанын айғақтайды. «Мұның бірден-бір себебі жоғарғы шек», – дейді шенділер.