Билердің мақсаты - бітімгершілік

Мемлекет басшысы Қасым-Жомарт Тоқаев 2020 жылы жариялаған Жолдауында «Дау-дамайды шешудің баламалық тәсілдерін дамыту қажет» деп атап өткен болатын. Облыстық ардагерлер кеңесі жанынан құрылғанына жеті жылға жуықтаған билер кеңесі Президент тапсырмаларын басшылыққа алып, қоғамдық істе белсенділік танытып келеді. Облыстық билер кеңесінің төралқа отырысында облыстық билер кеңесінің төрағасы Оңласын Есіркепов баяндама жасап, атқарылған жұмыстарға тоқталып өтті.