Қосымша құн салығынан түскен табыс бизнесті қолдауға жұмсалады

Мемлекет басшысы өткен жылғы Жолдауында елімізде жаңа Салық кодексін әзірлеу керектігін айтқан болатын. Жақында ел Президентінің бизнес өкілдерімен кездесуінде де бұл бағыттағы жұмыстар сараланды. Кездесуде қазіргі заманның басты мәселелерін шешу жолында еліміз жаңа көзқарастар мен тәсілдер дәуіріне қадам басқанын атап өткен Қасым-Жомарт Тоқаев қосымша құн салығы мәселесін пысықтауды тапсырды.