Таланты бөлек, сезімі сырлы Сапарбай
Осыдан біраз жыл бұрын Мұқағали Мақатаевтың «Көнеміз ғой» өлеңіне сазгер Садық Қынат ән жазған туындыны тамылжыта орындаған «Сәт» триосы көптің көңілінен шыққан еді. Әлі де ешкім ұмыта қойған жоқ болар. Сол топтағы үш жеткіншектің бірі – Сапарбай Алтыбай қазір Таразда тұрады. Қаладағы облыстық арнайы кітапханада жұмыс істейді.
Онымен алғаш кездескен сәтте сұрағанымыз «Сәт» триосының неліктен тарағаны болды. Себебі, бұл топ кезінде талай жанның жүрек төрінен орын алған еді.
Расында да ол өзін жеке кәсіпкерлікте де сынап көріпті. Елде жаппай карантин болған жылдары үйде қарап отыра алмай, отбасын асырау үшін табыс көзі болар іс іздеген. Көп кісі құмартатын ас болып кеткен жылдам әзірленетін фас-фут тағамдарын дайындап, сатумен айналысқан.
Ол тек өнермен шұғылданбай, спортпен де жаттығады.
Жұбайы мейірбике мамандығын меңгергенімен қазіргі уақытта Қазақ соқырлар одағының облыстық филиалында зағип жандарға компьютерден сабақ береді. Көбіміз кішкентай әнші бала деп таныған Сапар қазір отбасында үш перзенттің әкесі.
Өмірді мағыналы сүру үшін өзін әр қырынан сынап көріп, жан-жақты дамытып жүрген жігіттің зымыраған уақытта бәріне үлгеретініне тамсанасың. Ол халықтың «Жігітке жеті өнер де аз» деген сөзін ұстанады.
Қамар ҚАРАСАЕВА.