Өндіріс орнының жұмысымен танысты

Президенттің бастамасымен биылғы «Жұмысшы мамандықтары жылы» экономиканың нақты секторының негізін құрайтын мамандықтарға деген қызығушылықты арттырғаны белгілі. Бұл ретте жұмысшы мамандықтарының жұмыс орындарын танымал етуді жастар арасында насихаттау көзделген. Осы мақсатта Тараз мектептерінің оқушыларына «Қазфосфат» жауапкершілігі шектеулі серіктестігіне қарасты Жаңа Жамбыл фосфор зауытына экскурсия ұйымдастырылды.