Еңбек есейтеді, елеулі етеді
Жастайынан еңбекке араласып, бүгінде кәсіптік білім ала жүріп, жұмыс істеп жүрген жастың бірі – Нұрлан Қаржаубай. Ол Тараздағы Жамбыл политехникалық жоғары колледжінен «Мұнай мен газды сақтау мен тасымалдау» мамандығын алып шыққан. Қазір білімін Қазақ ұлттық университетінің Тараз қаласындағы Су шаруашылығы және табиғатқа үйлестіру институтында жалғастырып жүр. Жоғары кәсіби білім ала жүріп, «Амангелді» газ өңдеу зауытында жұмыс істейді.
Нұрлан 14-15 жасынан бастап нағашы атасының қасында жүріп, ауыл шаруашылығы жұмыстарына араласқан.
Әрине, әрбір іс сол саланың білікті мамандарының жетекшілігімен жеміс беретіні сөзсіз. Жұмысқа жаңадан кірісе бастаған жас мамандарға аға буын қамқорлығын аямай, білгенімен бөліскені тек сол адамдар үшін ғана емес, елдің дамуына да серпін беретіні анық.
Қамар ҚАРАСАЕВА