Құмар ойынға құрық салу қажет

Бұл күндері адал еңбек етіп, бейнеттің берекесіне бөленудің орнына ауырдың үсті, жеңілдің астымен жүріп қалтасын қампайтқысы келетіндердің қатары көбейді. Бәс тігуден алдына жан салмайтын ондайлар букмекерлік кеңселер мен тотализаторлардың торына түсіп, тапқан-таянғанын желге ұшырып жатыр. Дәл осы мәселеге Мемлекет басшысы да назар аударып, өзінің төрағалығымен өткен Қауіпсіздік кеңесінің отырысында мемлекеттік органдарға азаматтардың жекелеген санаттары үшін құмар ойынға қатысты шектеулерді күшейтуді тапсырды.