Төл теңге төңірегіндегі түйткіл қандай?

Өткен жылдың дәл осы кезеңінде ел тұрғындары арасында доллар мен еуроны таза сату көрсеткіші алдыңғы жылмен салыстырғанда айтарлықтай төмендеген еді. Ал, биылғы жылдың 5 қаңтарында теңге бағамы 1 АҚШ доллары үшін 525 теңге деңгейінде ашылып, 1 АҚШ доллары үшін 525-528 теңге аралығында саудаланды. Валюта нарығындағы нақ осы жағдайға қатысты түсініктеме берген Ұлттық банк төрағасының орынбасары Әлия Молдабекова теңге бағамына қандай сыртқы факторлардың әсер етіп жатқанын айтты. Ол өз сөзінде теңгеге қарағанда рубльге айрықша, соның ішінде санкциялық сипаттағы факторлар әсер ететініне тоқталды.