Қолайлы мүмкіндіктердің нәтижесінде қоныстой көбейді
Президент Қасым-Жомарт Тоқаевтың республикалық «Ana tili» газетіне берген сұхбаты ел аумағында кеңінен талқыланып, барша көпшіліктің көңіліндегі мәселелер көтерілді. Мұнда нақты жоспарлар мен айқын мақсаттар да айтылған. Соның ішінде халықты тұрғын үймен қамту мәселесі өте өзекті. Себебі, қазақта: «Үйі жоқтың күйі жоқ» деп бекер айтылмайды.
Президент жыл басындағы сұхбатында:
Осы орайда «Отбасы банк» акционерлік қоғамы облыстық филиалының директоры Нұрлан Сұлтановты сөзге тартқан едік. Нұрлан Темірбекұлы:
Бір айта кетерлігі, 2022 жылдан бастап біздің өңір республика бойынша екінші болып, пилоттық жоба негізінде облыс жастарына жеңілдікпен несие беруге арналған «Әулиеата жастары» өңірлік тұрғын үй бағдарламасын іске асыра бастады. Бұл – жас мамандардың баспаналы болуына қолайлы жағдай, нақты мүмкіндік. Сол уақытта өңір басшысынан қолдау тапқан бұл жоба өзінің жемісін беріп жатыр. Аталған жылдың өзінде облыстық бюджеттен 500 миллион теңге бөлініп, 41 жас баспанамен қамтылған. Атап айтар болсақ, денсаулық, білім, ақпарат, спорт, мәдениет салалары бойынша тараздық 35 маман, білім, денсаулық, спорт салалары бойынша Байзақ ауданында – 2, Қордай, Шу, Жамбыл, Талас аудандарында бір- бір маман қоныс тойын тойлады.
Ал, 2023 жылы аталған бағдарлама аясында баспанамен қамтылатын жастардың санын арттыру мақсатында жалпы 2 миллиард теңге қаражат бөлінді. Яғни, 1 миллиард теңге облыс қазынасынан, 1 миллиард теңге «Отбасы банк» акционерлік қоғамы тарапынан қарастырылған. Барлығы – 144 азаматтың өтініші қабылданып, баспана алды.
Осы орайда байзақтық мәдениет саласының маманы Дидар Басықараев:
Бұл мәселеге жауапты облыс әкімдігі ақпарат және қоғамдық даму басқармасының бас маманы Қайнар Амантай:
Қазіргі таңда көпқабатты тұрғын үйлер салу бойынша біздің өңір белсенді аймақтардың қатарында. Облыс орталығынан бөлек аудан орталықтарында да жылына бірнеше көпқабатты тұрғын үй салынып бітіп жатыр. Оның игілігін бұйырса, жүздеген жас отбасылар, көп балалы аналар, әлеуметтік жағынан аз қамтылған отбасылар көретін болады. Тұрғын үйлердің көптеп салынуы – мемлекетіміздің зор мүмкіндігі. Еліміздің әр мүмкіндігі – тұрғындарға жасалған ізгі қадамдар. Баспанаға қолы жеткен жас отбасылар көп бола бергей!
Есет ДОСАЛЫ