Кемелдікке бастайтын жол

Кешегілердің кемеңгер ойын уақыт кемесіндей бүгінге аманаттаған киелі дүние – кітап. Кітаптың қадірі артқан сайын адамзаттың кемелдене түсетінін ойшылдар ықылым заманнан-ақ тәпсірлеп келеді. Жамбыл жерінде осы пайымның үдесінен шығу жолында жаңа бастама қолға алынып, биыл кітап оқу акциясы басталды. «Көне Тараз» этно-мәдени кешеніндегі көркемсурет галереясында аталған бастаманың «Әулиеата – кітап оқитын өңір» атты ашылу салтанаты өтіп, оған облыс әкімі Ербол Қарашөкеев және өңірдің зиялы қауым өкілдері, қоғам қайраткерлері, жастар, кітапхана қызметкерлері мен тұрғындар қатысты.