Жаңа жылдан кейінгі доллар бағамы қандай?
Ұлттық банк 5 қаңтарға ұсынған ресми бағамы — 1 долларға 525,11 теңге болса, Ресей рублінің орташа сараланған құны — 4,88, ал еуро — 546,74 теңге.
Күні кеше Мемлекет басшысы «ANA TILI» газетіне берген «Мақсатым – экономиканы және егемендікті нығайту» атты сұхбатында Ұлттық валюта бағамының тұрақсыздығына қатысты ашық пікір білдірген болатын.
Президенттің айтуынша, Қазақстан әлем экономикасының ажырамас бөлігі болғандықтан, теңгеге сыртқы факторлар әсерін тигізбей қоймайды. Доллардың нығаюынан дамушы елдердің валютасы қысым көреді.