Тарихи Тараз үшін маңызды құжат қабылданды

Тараз қаласы әкімі аппаратының мәжіліс залында қалалық мәслихаттың кезектен тыс 24-ші сессиясы өтті. Сессияға Тараз қаласының әкімі Бақытжан Орынбеков, қалалық мәслихат депутаттары, қалалық әкімдік бөлімдерінің және мекемелерінің басшылары, бұқаралық ақпарат құралдарының өкілдері қатысты. Сессия отырысын қалалық мәслихат төрағасы Кенжебек Олжабай ашып, жүргізді. Күн тәртібінде қаланы екі ауданға бөлу және жаңа атау беру мәселесі қаралды.