Аймақтың әлеуметтік-экономикалық ахуалы артып келеді

ЖЫЛ БАСЫНАН БЕРІ ЖАМБЫЛ ОБЛЫСЫНДА ҚЫСҚАМЕРЗІМДІ ЭКОНОМИКАЛЫҚ ӨСІМ 104,5 ПАЙЫЗ ДЕҢГЕЙІНДЕ ҚАЛЫПТАССА, ЕСЕПТІ КЕЗЕҢДЕ 727,8 МИЛЛИАРД ТЕҢГЕГЕ ӨНЕРКӘСІП ӨНІМІ ӨНДІРІЛДІ. ОБЛЫС БОЙЫНША БІР ҒАНА ХИМИЯ САЛАСЫНДА ЭКСПОРТ КӨЛЕМІНІҢ 77 ПАЙЫЗДАН АСТАМЫ ҚАМТАМАСЫЗ ЕТІЛДІ. СОНДАЙ-АҚ, КЕЛЕСІ ЖЫЛЫ ИНВЕСТИЦИЯ ТАРТУ ЕСЕБІНЕН ӨНЕРКӘСІП ӨНІМІ КӨЛЕМІН 7, ӨҢДЕУ ӨНЕРКӘСІБІ ӨНІМІН 5,5 ПАЙЫЗҒА ӨСУІН ҚАМТАМАСЫЗ ЕТУ ӘРІ ӨҢДЕУ ӨНЕРКӘСІБІ ЭКСПОРТЫНЫҢ КӨЛЕМІН 200 МИЛЛИОН АҚШ ДОЛЛАРЫНА ДЕЙІН ЖЕТКІЗУ ЖОСПАРЛАНУДА. БҰЛ ТУРАЛЫ ПРЕЗИДЕНТ ЖАНЫНДАҒЫ ОРТАЛЫҚ КОММУНИКАЦИЯЛАР ҚЫЗМЕТІ АЛАҢЫНДА ӨТКЕН БАСПАСӨЗ- БРИФИНГІНДЕ ОБЛЫС ӘКІМІ ЕРБОЛ ҚАРАШӨКЕЕВ АЙТЫП БЕРДІ. ӨҢІРДІҢ ӘЛЕУМЕТТІК- ЭКОНОМИКАЛЫҚ ДАМУЫ БОЙЫНША ЕСЕП БЕРГЕН АЙМАҚ БАСШЫСЫ ЕҢ ӘУЕЛІ ОБЛЫСҚА ИНВЕСТИЦИЯ ТАРТУ МӘСЕЛЕСІНЕ ТОҚТАЛДЫ. ӘКІМНІҢ АЙТУЫНША, ЖЫЛ БАСЫНАН БЕРІ 149,7 МИЛЛИАРД ТЕҢГЕГЕ 21 ЖОБА ІСКЕ ҚОСЫЛЫП, 700 ЖҰМЫС ОРНЫ ҚҰРЫЛҒАН. БҰЛ КЕЗЕҢДЕ БАС-АЯҒЫ 370,5 МИЛЛИАРД ТЕҢГЕ ИНВЕСТИЦИЯ ТАРТЫЛЫП, БІРҚАТАР ІРІ ЖОБАЛАР ІСКЕ АСЫРЫЛҒАН.