Енді еңбекақы төлеу процесіне постмониторинг жасалады
Сыбайлас жемқорлыққа қарсы қызметтің Жамбыл облысы бойынша департаменті Ішкі мемлекеттік аудит департаментімен бірлесіп, білім саласының басшылығы мен есепшілері арасында жиын өткізді, деп хабарлайды aqjolgazet.kz
Келелі кездесу барысында арнайы бақылаушы орган тарапынан қызметкерлерге ай сайынғы еңбекақы үшін төленетін қаржылық аударымдарға үнемі мониторинг жүргізілетіні айтылды.
Сондай-ақ, жаңа оқу жылының басында енгізілген есеп жүйесіндегі өгерістер, биометриялық бақылау фукциялары, жалғандық дерегі бар қаражаттарды бұғаттау туралы жаңашылдықтар да назардан тыс қалмады.
Сонымен қатар, республика көлемінде аталған бағытта орын алған қылмыстардың салдарынан мемлекетке келтірілген залалдар мен шығындар туралы айтылып, әрбір заңсыз іс-әркеттің өтеуі жаза екені баса айтылды.