Өңірдің өркендеуіне өзек болған өндіріс ошағы

Биыл Жамбыл облысы үшін ерекше жыл. Киелі құт дарыған өлкенің облыс болып құрылғанына 85 жыл толып отыр. Әр аймақ өзіндік қалыптасу, даму кезеңдері мен қарыштау сәттерін басынан өткізеді. Жамбыл облысы да бұл жолдан өтті. Облыс әкімдігі мәдениет және тілдерді дамыту басқармасы басшысының орынбасары Сара Мадиеваның айтуынша, облыстың құрылуы өңірде химия өндірісін дамыту мақсатында болғандығы анық. Оған Қаратау баурайынан әлемдегі ең ірі фосфор кені табылуы себеп болса керек.