Тұрғындардың талап-тілегін тыңдады

Тараз қаласының әкімі Бақытжан Орынбеков №10 аумақтық округтің тұрғындарымен жүздесіп, көпшіліктің көкейіндегі мәселелерін тыңдады. Аталған аумақта көпшілікті көбінесе асфальт төсеу, аялдамаларды жаңарту, қаңғыбас иттерді аулау, қоқысты уақытында тазалау, ойын алаңшаларын орнату секілді маңызды мәселелер толғандырады. Бұл жайлардың жай-жапсарын округтің бас инспекторы Ескер Бұралхиев баяндады.