Кітапханадағы келелі кездесу

Ұлық мереке – Республика күніне орай Тараз қаласындағы Ш.Уәлиханов атындағы облыстық әмбебап-ғылыми кітапханасында «Тарихы сырлы, ертеңі нұрлы ғажап ел» тақырыбында оқырмандар конференциясы ұйымдастырылды. Іс-шараға Жамбыл ауданы Шекара басқармасы бөлімшесінің офицері, капитан Олжас Тұрсынбекұлы бастаған бірқатар әскери қызметшілермен қатар 81067 әскери бөлімінің сарбаздары қатысты. Жиын барысында Олжас Тұрсынбекұлы азат ел атану үшін жасалған алғашқы қадам – Республика күнінің тарихи маңызына тоқталып, кітапхана оқырмандарына бұл күннің маңыздылығын түсіндіріп өтті.