Бірлесе қабылдаған шешім берекелі болады
Облыс әкімі Ербол Қарашөкеевтің қатысуымен сегізінші шақырылған облыстық мәслихаттың кезектен тыс он алтыншы сессиясы өтті. Облыс әкімдігінің басқарма басшылары, қала және аудан әкімдері мен аудандық мәслихаттың төрағалары қатысқан сессия жұмысын облыстық мәслихаттың төрағасы Абдалы Нұралиев ашып, жүргізіп отырды.
Алдымен «2024-2026 жылдарға арналған облыстық бюджет туралы» Жамбыл облыстық мәслихатының 2023 жылғы 14 желтоқсандағы №10-3 шешіміне өзгерістер енгізу туралы облыстық экономика және бюджеттік жо спарлау басқармасының басшысы Сандуғаш Абдралиеваның, содан кейін бірмандаттық аумақтық сайлау округтері бойынша Қазақстан Республикасы Парламенті Мәжілісінің және Жамбыл облыстық мәслихаты депутаттарын сайлауы жөніндегі округтік сайлау комиссияларының босаған орындарын қалыптастыру туралы облыстық мәслихат аппаратының бас инспекторы Мұхтар Мамышевтің хабарламалары талқыланып, олар бойынша тиісті шешімдер қабылданды.
Сессияда облыстық мәслихаттың депутаты Оралхан Дәуіт сөз алып, аймақ басшысына сайлаушыларды толғандырып отырған екі сұрақ қойды. Депутаттың айтуынша, жақында зерделеу жұмыстарымен аудандарды аралаған кезде бір топ шаруа жолығып, қант қызылшасын өткізу мәселесіне байланысты қатты алаңдап отырғандарын жеткізген.
Аймақ басшысы депутаттың облыс орталығындағы «Көне Тараз» орт алығының мәс еле сі бойынша қойған сұрағына да жауап беріп, жақын арада депутаттық топ құрып, өңірімізге туристерді тартады деп күтілген нысанның мәселесін шешуді егжей-тегжейлі талқылап, бірлесе отырып шешім қабылдауға ұсыныс жасады.
Жүрсінгүл ЖАҚЫП