Күміс жүлдегерге құрмет көрсетті

Париж төрінде өткен ХХХІІІ жазғы Олимпиада ойындарында атой салып, күміс медальді жеңіп алған былғары қолғап шебері Нұрбек Оралбай туған жеріне келді. Айта кетейік, 80 килограмм салмақта өнер көрсететін саңлақ Жамбыл ауданы, Айша бибі ауылының түлегі. Бокстан жалғыз финалист атанған жерлесімізді қарсы алу іс-шарасына облыс әкімі Ербол Қарашөкеев, жамбылдық даңқты спортшылар мен қала тұрғындары қатысты. Салтанатты іс-шарада әуелі сөз алған аймақ басшысы Ербол Шырақпайұлы ел сенімін ақтаған Нұрбек Оралбай бүгінде қазақ боксының мақтанышына айналғанын атап өтті.