«Он жылда олжалы өзгерістер жасаймыз» - Арсен Томский
InDrive халықаралық компаниясының негізін қалаушы Арсен Томский Таразға келіп, студенттер, жас кәсіпкерлермен кездесті. Якутиядан шыққан кәсіпкер 46 елге тараған бизнесін қалай бастағанын әңгімелеп берді. Қазақстан азаматтығын алған ол тіл үйренудегі тәжірибесін айтып, бизнес бастаймын деген жандар үшін кеңесімен бөлісті.
СТУДЕНТТЕРДІҢ ПАБЛИГІНЕН СТАРТАПҚА ДЕЙІН
Ол студенттер құрған жүйенің әлеуметтік феноменге айналғанын байқайды. Сол парақшаның негізінде жүргізуші мен жолаушы бағаны өзара келісетін сервисті ойлап шығарады. Жаңа стартап Indriver деп аталған. Independent driver яғни тәуелсіз жүргізуші деген мағынаны білдіреді. Бүгінде 46 мемлекетке тараған, 100 миллионнан аса адам қолданады.
2022 жылы Ресей мен Украина арасындағы соғыс басталғаннан кейін компания Ресейдегі жұмысын тоқтатты. Қызметкерлері түрлі елдерге көшірілді, бірақ басым көпшілігі және негізгі кеңсесі Алматыда тұрақтанды. Томскийдің сөзінше, қазір Алматы мен Астанада InDrive-тің 1000-ға жуық маманы қызмет істейді.
КӘСІБІҢІЗДЕ МӘН БОЛСЫН
Үшінші – мән. Кәсібіңізде мән болсын. Сіздің көңіліңіз қалаған, сізді ұстап тұратын дүниемен айналысу керек. Indrive компаниясының өзі алдағы алты жылда 1 миллиард адамның өміріне оң ықпал етуіміз керек деген мақсат қойған.
Томскиймен кездесуге жиналғандар транспорт министрлігінің InDrive, YandexTaxi такси жүргізушілері 50 шақырымнан ұзақ жүрмеуі керек деген ұсынысы туралы сұрады. «Үкіметтің мақсаты адамдардың өмірін жақсарту екен рас. Бірақ олар бұл мәселені талқылап, дұрыс шешім болмайтынын түсінеді деп ойлаймын. Ол халыққа соққы болады. Көпшілікте таңдау болу керек. Автобус немесе машина ма өздері шешуі керек. Әзірге бұл тек жоспар ғой, бірақ болашақта ондай өзгеріс болады деп ойламаймын», – дейді кәсіпкер.
Бизнестен бөлек Арсен Томскийдің Қазақстандағы жобалары, тіл үйреніп жатқаны жайлы сұрақтар қойылды.
Арсен Томский келесі жылы Қазақстанда жаңа университет ашу туралы жоспарын да бөлісті. Жаңа оқу орнында жаңа деңгейдегі көшбасшыларды дайындайды және ол қазақстандықтар үшін тегін болмақ.
Ақсәуле ӘБІТАЙ,
журналист
Тараз қалас