Тарихы терең диірмен тасы
Байзақ аудандық тарихи-өлкетану музейінде бүгінде 4 мыңға жуық жәдігер бар. Оның барлығы да маңызды әрі құнды дүниелер. Музей жақында тағы бір құнды жәдігермен толықты.
Ол ХІХ ғасырға тиесілі үлкен көлемдегі диірмен тас. Оны «Музейге сый» акциясы аясында А.Суханбаев ауылдық округіне қарасты Қосы батыр ауылының тұрғыны Өзенбай Бейсенбек табыстады.
Жалпы, Байзақ ауданы аумағында тарихи қалашықтар мен ел аузында жүрген жер, су атаулар өте көп. Сондықтан, жәдігерлердің табыла беретіні де күмәнсіз. Құм астынан аршылған дүниелер аудан тұрғындары үшін ерекше қазына болып саналады. Сол үшін, аталған ауданның аумағынан қандай құндылықтар табылып жатса да таңдануға болмайды.
Есет ДОСАЛЫ
Байзақ ауданы