Еңбексүйгіштік пен ел бірлігінің тұтқасы
Түрлі деңгейдегі ардагерлер кеңесінің белсенді жұмыстары қоғамның рухани дамуына, жастар тәрбиесіне оң әсерін беріп келеді. Әулиеата жеріне жұмыс сапарымен келген мемлекет және қоғам қайраткері,тарих ғылымдарының докторы, «Ардагерлер ұйымы» республикалық қоғамдық бірлестігі орталық кеңесі төрағасының бірінші орынбасары Өмірзақ Озғанбаев «ҚазТрансгаз – Аймақ» акционерлік қоғамы облыстық өндірістік филиалының мәжіліс залында салаардагерлерімен кездесті.
Шараны облыстық ардагерлер кеңесінің төрағасы Еркінбек Солтыбаев ашып, қайраткердің ғылым мен білім саласына, еліміздің Парламент Сенатына сіңірген еңбегіне тоқталды. Мұнан соң Өмірзақ Озғанбаев сөз алып, Әулиеата жері қазақ хандығы құрылуымен, Ислам діні алғаш орнаған аймақ болуымен ерекшеленетінін жеткізді.
Мұнан соң бірқатар еңбек ардагерлері алдыңғы толқынның міндеті, қоғамның өзекті мәселелері туралы пікірлерін білдірді.
Жиынды облыстық ардагерлер кеңесінің төрағасы Еркінбек Солтыбаев пен «ҚазТрансгаз – Аймақ» акционерлік қоғамы облыстық өндірістік филиалының директоры Бақтияр Көпбосынов қорытындылап, әсерлі әңгімесі үшін Өмірзақ Озғанбайұлына алғыстарын жеткізді.
Есет ДОСАЛЫ