Қазақ әдебиетінің жаңа дәуіріндегі қаламгер
2005 жылдың күзі. Тараз Мемлекеттік университетінің акт залында сонау өткен ғасырдың 70-80 жылдарында поэзия сахнасына бітімі бөлек, болмысы басқа болып келіп, отыз бір жасында марқұм болған жерлесіміз Бауыржан Үсеновтің шығармашылығына арналған еске алу кеші өтті. Бұл кешке Алматыдан ақындар мен достары, бауырлары, туған жері Жуалыдан туыстары мен аудан азаматтары келіп, облысымыздың белгілі қоғам қайраткерлері мен қаламгерлері түгел қатысты. Солардың ішінде Бауыржан Үсеновты аңсап, сағына досы, курстасы, әл-Фараби атындағы Қазақ Ұлттық Университеті журналистика факультетінің деканы Бауыржан Жақып та сонау Алматыдан келген еді.