Шатыркөл кен байыту фабрикасы іске қосылды

Шу ауданында «Қазақмыс корпорациясы» жауапкершілігі шектеулі серіктестігі Шатыркөл-Жайсан кластерінде 2020 жылдан бері Шатыркөл байыту фабрикасын салу жобасын іске асыруда. Шатыркөлде кен 400 метр тереңдіктен өндірілуде. Ал, Жайсанда кен 200 метр тереңдіктен алынады. Екеуінің жылдық қуаты 1 миллион 200 мың тоннаны құрайды. Фабрикада тәулігіне 250 тонна шикізат өңделіп, 20 тонна мыс концентраты алынады. Кеше осы фабриканың техникалық ашылуына облыс әкімі Ербол Қарашөкеев қатысып, оның жұмысымен жан-жақты танысты.