Қазақтың тұңғыш антропологын танисыз ба?

Қылышынан қан тамған кеңестік кезеңді тарихшылар қазақ тарихындағы қанды дәуір деп сипаттайды. Иә, ол тар кезең талай асылдарымызды жалмады, тұтас ел зұлматты жылдардың бейкүнә құрбанына айналды. Бұл біздің тарихымыздағы пышақтың жүзімен кесіп тастасаң да, қара топырақпен көмсең де жасыра алмайтын аса ауыр кезең еді. КСРО билігі зұлматты жылдардың зардабын ресми мойындамай кетсе де тарих бетіндегі елімізге қасақана жасалған қастықты әшкерелеген, тіпті заманның тарлығына қарамастан бүтін қазақтың тап осы территорияда елу ғасырдан бері өмір сүріп келе жатқанын ғылыми тұрғыда дәлелдеген азаматтар арамызда әлі бар. Солардың бірі – тарих ғылымдарының докторы, қазақтың тұңғыш антропологы Оразақ Смағұлов.