Биыл өңірде қаржы пирамидасын құрған 2 қылмыстық іс тіркелді
Бұл туралы облыс бойынша Экономикалық тергеп-тексеру департаментінің басшысы Руслан Қасымов өңірлік коммуникациялар алаңында өткен брифинг барысында мәлімдеді, деп хабарлайды aqjolgazet.kz
Руслан Мұратұлының айтуынша, өткен жылы 200-ден астам жәбірленушінің арызы бойынша 3 қылмыстық іс тіркелген. Тергеу барысында қабылдаған шаралар нәтижесінде азаматтарға 45 миллион теңгеден астам келтірілген шығын өтелді.
Мысалы, «Chia Tai Tianging Pharmaceutical Group» қаржы пирамидасын ұйымдастырушыға қатысты қылмыстық істі тергеу барысында сатып алынған пәтер түріндегі мүлік пен 10 миллион теңгеден астам қаражат тәркіленді.
2024 жылдың 6 айында қаржылық пирамида белгілері бар 958 сілтеме бұғатталған екен. Сонымен қатар, 720-дан астам қатысушысы бар қаржылық пирамидалардың 7 WhatsApp қосымшасындағы топтар жабылған.