Облыс әкімі «Аulieata - media» серіктестік ұжымымен жүздесті
Бүгін облыс әкімі Ербол Шырақбайұлы БАҚ өкілдерінің кәсіби мерекесі қарсаңында Баспасөз үйіне арнайы атбасын бұрды, деп хабарлайды aqjolgazet.kz
Аймақ басшысы «Аulieata - media» серіктестігіне қарасты «Aq jol», «Знамя труда» және «Ar - Ai» газеттері мен Jambylinfo ақпарттық порталының редакция алқасымен жеке танысты. Сондай-ақ, жыл басында құрылған «Цифрлық контент орталығының» тілшілік тіршілігін көріп, жаңа бастамаға оң бағасын берді.
Өткен жылы ғана күрделі жөндеу көрген Шерхан Мұртаза атындағы Баспасөз үйінің әлеуметтік - техникалық базасымен танысып, өңір журналистерінің талап-тілеген тыңдады.
Келелі кездесу барысында аталған ақпараттық серіктестіктің Бас директоры Данияр Асқарұлы өңірлік холдингтің жыл басынан бергі атқарған ортақ жұмысы туралы кең көлемді баяндама жасады.
Ербол Шырақбайұлы да өз кезегінде журналистердің жанқиярлық жұмысын әрдайым жоғары бағалайтынын айтып, әріптестерге шығармашылық табыс тіледі.