Жуырда облыс әкімінің орынбасары Қанатбек Мәдібек пен облыс әкімдігінің жолаушылар көлігі және автомобиль жолдары басқармасының басшысы Мұрат Саурықов «Жол активтері ұлттық сапа орталығының» облыстық филиалына барды.
Бұл күні филиал директоры Мырзахмет Ибрагимов мекеменің жай-күйімен кеңінен таныстырып, жол саласын дамыту бойынша атқарылған жұмыстарға тоқталды.
Жалпы, осы күні Қанатбек Қайшыбекұлы жол-құрылысына қажетті материалдардың талап сай болуын қадағалайтын зертхана жұмысымен де танысты. Сондай-ақ, облыс әкімінің орынбасары жол инфрақұрылымын жақсартуда жоспарланған жұмыстарды бірлесе атқарып, бұл саланың ерекше бақылауда екенін жеткізді.
Айта кетейік, бүгінгі таңда облыс аумағында автомобиль жолдарының жалпы ұзындығы 10 038 шақырымды құрайды. Оның ішінде, 1 237 километр республикалық, 1 756 шақырым облыстық және 1 383 километр аудандық маңызы бар автомобиль жолдары.
Ұқсас жаңалықтар
