Сарысуда Рәміздер күніне орай автошеру ұйымдастырылды
Сарысулықтар Мемлекеттік Рәміздер күнін ерекше атап өтті, деп хабарлайды aqjolgazet.kz
Күн ерте көк туын көкке көтерген қаршадай баладан қазыналы қарияға дейін орталық алаңға жиналып, әуезді Әнұранды бірге шырқады. Салтанатты жиынға қатысқан аудан әкімі Сәкен Мамытов айтулы мерекемен барша сарысулықтарды құттықтап, өскелең ұрпақты мемлекеттігіміздің негіздерін қашан да қастерлеуге үндеді.
Патриоттық сипатқа ие іс-шара барысында бірқатар атқа қонған аудан азаматы моноқаланың басты көшелерімен көк байрағымызды алып өтті.
Сондай-ақ, шығын аудандардағы көпқабатты тұрғын үйлердің терезелеріне Мемлекеттік Ту ілініп, рәміздерге құрмет көрсетілді.