Сарысулықтар тазалықтың озық үлгісін көрсетті
Бүгін Сарысу ауданында «Таза Қазақстан» республикалық акциясы жалғасын тапты.
Тағылымы мол іс-шара аясында аудан орталығындағы «Ынтымақ» аллеясы мен «Балалар саябағында» тазалық және абаттандыру жұмыстары жүргізілді.
Республикалық акцияға ауданға қарасты барлық ауылдық округ қамтылды. Эко-шараға белсенді қала жастары мен жергілікті тұрғындар біркісідей атсалысты.
Айта кетейік, жуырда ғана аталмыш акция аясында аудан орталығы - Жаңатас қаласында «Таза Қазақстан» саябағы салтанатты түрде ашылған болатын. Іс-шара барысында Жамбыл облысының 85 жылдығына орай - 85 шырша, Жаңатас қаласының 55 жылдығына орай - 55 түрлі тал көшетін отырғызылған еді.