Ақордада кадрлық ауыс-түйіс болды
Бүгін Мемлекет басшысының Жарлығымен бірқатар лауазым иелері қызметтерінен босап, тиісінше жаңа тағайындаулар орын алды, деп хабарлайды aqjolgazet.kz
Cонымен Мемлекет басшысының Жарлығымен Нұрлан Асқарұлы Ноғаев Маңғыстау облысының әкімі лауазымынан босатылса, Жанар Сейдақметқызы Айтжан Дүниежүзілік сауда ұйымы мен халықаралық экономикалық ұйымдар жанындағы Қазақстан Республикасының Тұрақты өкілі лауазымынан босатылды.
Сондай-ақ Қазақстан Республикасының Біріккен Ұлттар Ұйымы жанындағы Тұрақты өкілі Ақан Ақасұлы Рахметуллиннің орнын Қайрат Ермекұлы Омаров басты.
Ал Президент Жарлығымен Әсет Арманұлы Ерғалиев Дүниежүзілік сауда ұйымы мен халықаралық экономикалық ұйымдар жанындағы Қазақстан Республикасының Тұрақты өкілі болып тағайындалса, Сыртқы істер министрінің бірінші орынбасары лауазымына Ақан Ақасұлы Рахметуллин келді.
Сонымен қатар Халықаралық азаматтық авиация ұйымы жанындағы Қазақстан Республикасының Тұрақты өкілі лауазымына Тимур Қалдыбайұлы Тілегенов тағайындалды.