СҰРЫМ АУЫЛЫНДА ЖАҢА МЕДИЦИНАЛЫҚ ПУНКТ АШЫЛДЫ

Бүгін Жуалы ауданы, Қызыларық ауылдық округіне қарасты Сұрым ауылында жаңа медициналық пункт ел игіліне берілді. Салтанатты іс-шараға қатысқан аудан әкімі Жалғас Мұртаза қысқа мерзімде салынған медициналық нысанның техникалық әлеуеті заман талабына сай екендігін айтты. Айта кетейік, ауданда 1 емхана, 4 фельдшерлік-акушерлік пункт, 34 медициналық пункт, 8 дәрігерлік амбулатория бар.