Белсенді қарттар ұзақ өмір сүреді

Салтанатты рәсімге облыс әкімі Ербол Карашөкеев қатысты. – Ардагерлер – біздің алтын қорымыз. Ардагерлердің денсаулықтарын жақсартып, өмір жасын ұзартуға арналған белсенді ұзақ өмір орталығын ашып отырмыз. Жаңа орталық құтты болсын! – деді аймақ басшысы Ербол Шырақпайұлы. Зейнеткер қариялар осында бос уақыттарын өткізіп, денсаулықтарын жақсарта алады. Оларға тегін әлеуметтік және медициналық қызмет көрсетіледі. Орталықта жаттығу залы, йога, үстел теннисі, шахмат, дойбы, тоғызқұмалақ, бильярд залы бар. Ұлттық би, вальс, хор, вокал, сәндік-қолданбалы өнері, емдік денешынықтыру, тіл үйрену сынды үйірмелер жұмыс істейді. Сонымен бірге, тиісті мекемелермен байланыс жасау арқылы мәдени іс-шаралар ұйымдастырылып, бассейнге бару мүмкіндіктері жасалған. Осы қамқорлықтар мен мүмкіндіктер барлық деңгейдегі зейнет жасындағы кісілерге ақысыз, тегін көрсетіледі.  

Гүлжан РАХМАН