Қазыналы қарияға құрмет

Жамбыл облысының әкімі Ербол Қарашөкеев ардагер, белгілі журналист, қазыналы қаламгер, қоғам қайраткері, облыстың Құрметті азаматы Баттал Жаңабаевтың шаңырағына барды. Аймақ басшысы 95 жастағы ақсақалдың өмірі бүгінгі жас буын үшін үлгі-өнегеге толы екендігін атап өтіп, ұзақ жылғы жемісті еңбегін, өңірдің руханият, журналистика саласына қосқан үлесінің мол екендігін айтып, қазыналы қарияға құрмет көрсетті. Өз кезінде ардагер-қаламгер ризашылығын жеткізіп, аймақтың алға дамуын, елдің амандығын, тыныштығын тілеп, ақ батасын берді.

Облыс әкімдігінің баспасөз қызметі