Жамбыл облысында тоқыма кластерін дамыту жоспарлануда

Жамбыл облысының әкімі Ербол Қарашөкеев Халықаралық біліктілік және креативті индустрия орталығының өкілдерімен кездесу өткізді. Кездесу барысында Жамбыл облысының шетелдік компаниялармен сауда-экономикалық әріптестікті, тығыз өңіраралық өзара байланысты нығайтуға баса назар аударылды. Аймақ басшысы Халықаралық біліктілік және креативті индустрия орталығының басшысы Ерік Өтембаевпен поляк компанияларымен екіжақты ынтымақтастықты кеңейтуге қатысты, нақтырақ айтқанда тау-кен және химия өнеркәсібі, агроөнеркәсіптік кешен, машина жасау, логистика салаларындағы ынтымақтастық әлеуетіміз бен жоспарларды талқылады. Сондай-ақ, тараптар ауыл шаруашылығы техникаларын шығару, қоқыс өңдеу кәсіпорындарын салу бойынша жобаларды іске асыру үшін жан-жақты мүмкіндіктерге көңіл бөлді.

Облыс әкімі кездесуде талқыланған жобаларды жан-жақты зерделеу, шетелдік компаниялармен тығыз байланыс орнату бойынша жауапты тұлғаларға нақты тапсырмалар берді.

Облыс әкімдігінің баспасөз қызметі