Денсаулық саласындағы серпіліс

Ал, 2021 жылы Тараз қаласында 200 орындық облыстық онкологиялық диспансер салынса, Жамбыл ауданының, Қаракемер ауылында тәулігіне – 25, Меркі ауданының Сұрат және Тәтті ауылдарында – 30, Талас ауданы, Үшарал ауылында – 45, Есейхан ауылында – 30, Сарысу ауданы, Жаңатас қаласының Дегерес аумағында – 30, Тоғызкент ауылында 30 келушіге арналған дәрігерлік амбулатория көпшілікке есігін айқара ашты. Шу ауданы, Еңбек ауылында бір ауысымда 5 адам қабылдайтын медициналық пункт ашылғаны да – игілікті іс. 2022 жыл да денсаулық саласында біраз нысандар салынуымен есте қалды. Әсіресе, байзақтықтардың қуанышы аз болмады. Сарыкемер ауылында тәулігіне 250 келушіге арналған орталық аудандық емхана салынса, Түймекент ауылында – 30, Жамбыл ауданы, Қаракемер ауылында – 25, Жуалы ауданы, Күреңбел және Бәйтерек ауылдарында – 25 келушіге арналған дәрігерлік амбулатория салынуы көпшіліктің көңіліне шаттық сыйлағаны анық. Ал, биыл Тараз қаласында 200 орындық облыстық онкологиялық диспансер салу көзделді. Сондай-ақ, Байзақ ауданында – 4, Жамбыл ауданында – 2, Жуалы ауданында – 4, Қордай ауданында – 4, Шу ауданында – 3, Сарысу мен Меркі аудандарына – 1 медициналық нысан салыну жоспарланып отыр. Бұл еліміздің денсаулық саласына ерекше назар аударып отырғанын көрсетеді.  

Есет ДОСАЛЫ