Тәжірибе бөлісіп, ақпарат алмасты
Тәжірибе бөлісіп, ақпарат алмасты
Аталған форумды ұйымдастырушы Арман Дәулетяров пен танымал тележүргізуші Ләйла Сұлтанқызы жобаның негізгі мақсаты туралы жан-жақты әңгімеледі. «Арманда» – іскер азаматтар, қоғам қайраткерлерін, медиа- бизнес өкілдерін және барлық қазақстандықтардың басын біріктіретін іс-шараның басты мақсаты – тәжірибе мен ақпарат алмасу, отбасы құндылықтарын дәріптеу. Форум барысында танымал қазақстандық сарапшылар тәжірибе және білімдерімен бөлісті. Өңір басшысымен өткен кездесуде осы және өзге де мәселелер талқыланды. Ербол Шырақпайұлы қонақтарды облыстың дамуының негізгі бағыттарымен таныстырып, өңірдің ауыл шаруашылығы, өнеркәсіп, туризм салаларында үлкен әлеуетке ие екендігін атап өтті. Қазақстанның 17 қаласында, оның ішінде Таразда да өткізілуі жоспарланған форум жоғары деңгейде ұйымдастырылды. Ұйымдастырушылар балалар мен қарттар үйлеріне және басқа да әлеуметтік мекемелерге барып, халықпен кездесті. Сондай- ақ, аз қамтылған отбасы мүшелерімен жүздесіп, қайырымдылық шараларын өткізді.
Облыс әкімінің баспасөз қызметі.
Суреттерді түсірген Ақәділ РЫСМАХАН.