Адал ауыздан сасық сөз шықпас,
Арсыз, айтқан ақылды ұқпас.
***
Өткір сөз – қышыған жеріне тиер,
Тілмен байланған не жанар, не күйер.
***
Түсінген, сөз қадірін білер,
Қара сөз де қамшыдай тілер.
***
Түсінбеске сөз айтпа, далаға кетер,
Жаманға сөз айтсаң, өзіңнен маза кетер.
***
Уағдасыз сөз – ұйытқи соққан жел.
***
Ауыр сөз жүрекке салмақ түсірер,
Жүйелі сөз дауды шешіп, пісірер.
***
Әрбір айтқан ақыл сөз – аялауға тұрарлық,
Есіткенде зіл сөзді, өң де кетер қуарып.
***
Зілді сөз – жүрекке жетер,
Жеңіл сөз – жүректі тесер.
***
Түтіктірер кәрлі ызғарлы сөз – қадалар оқ.
***
Ескен самалдай алдамшы, аяр сөз – еміндіріп ертіп кетер.
***
Жанды жадыратып, ұйытатын да сөз,
Ойды жетектеп, үйіретін де сөз.
***
Әзілде де шындық жатар,
Зіл батпанмен тұралатар.
***
Қабаттаса сөйлеудің мәні болмас,
Түсініксіз естілген соң, миға қонбас.
Нұрмахан ТІЛЕГЕНОВ,
Жамбыл ауданының Құрметті азаматы, Жамбыл облысының құрметті ардагері.
Comments are closed.