Күләш ШӘМШИДИНОВА,«Назарбаев зияткерлік мектептері» АҚ басқармасының төрайымы. Тәуелсіздік жылдары еліміздің ертеңі – жастарымыз үшін қыруар шаруалар атқарылды. Соның бір жемісі мен айғағы – «Назарбаев зияткерлік мектептерінің» ашылуы. Бұл Мемлекет басшысы Н. Назарбаевтың тікелей бастамасымен және қолдауымен жүзеге асты. Сондықтан, бүгін Елбасы қолынан алған жоғары мемлекеттік награда барлық оқытушыларға, білім саласында жүрген азаматтарға берілген марапат пен көрсетілген құрмет деп есептеймін. Біз алдағы уақытта да еліміздің білім саласын одан әрі дамыту үшін, заманауи технологияларды енгізу үшін, бұл саланың халықаралық стандартқа сай болуы үшін, ең алдымен, елдің өркендеуіне үлес қосатын, озық ойлы жастарымыздың көп болуы үшін еңбектенетін боламыз.
