Жамбыл облысының әкімі Нұржан Нұржігітов ОКҚ алаңында өткен брифингте цифрландыру бағытында атқарылып жатқан жұмыстар жайлы баяндады.
ҚР Цифрлық даму, инновациялар және аэроғарыш өнеркәсібі министрлігімен облыс әкімдігі арасында 2023-2027 жылдарға арналған Жол картасы бекітілді. Жол картасына сәйкес, 2027 жылға дейін 165 елді мекенде мобильді интернет желісінің сапасын 4G–ге арттыру, 28 елді мекенді электр желілері мен антенна-діңгек құрылысымен, 155 елді мекенді талшықты-оптикалық байланыс желісімен, республикалық және облыстық маңыздағы жолдарды цифрлық инфрақұрылыммен қамтамасыз ету сияқты міндеттер тұр.
«Жалпы алғанда 2025 жылдың соңына дейін облыстағы елді-мекендер 100% 4G-мен қамтылатын болады», — деді өңір басшысы.
Comments are closed.