Жамбыл облысы Байзақ ауданының аумағында «Ақкөмбез» су қоймасында, Т.Рысқұлов ауданының аумағында Сұлутор өзенінде, Шу ауданының аумағында Теректі өзенінде су қорғау аймақтары мен белдеулерін және оларды шаруашылық пайдалану режимін белгілеу туралы
Қазақстан Республикасының 2003 жылғы 9 шілдедегі Су кодексіне, «Су қорғау аймақтары мен белдеулерін белгілеу қағидаларын бекіту туралы» Қазақстан Республикасы Ауыл шаруашылығы министрінің 2015 жылғы 18 мамырдағы №19- 1/446 бұйрығына (Нормативтік-құқықтық актілерді мемлекеттік тіркеу тізілімінде №11838 болып тіркелген) сәйкес Жамбыл облысының әкімдігі ҚАУЛЫ ЕТЕДІ:
- Бекітілген жобалау құжаттамасы негізінде су қорғау аймақтары мен белдеулері осы қаулының 1-қосымшасына сәйкес белгіленсін.
- Су қорғау аймақтары мен белдеулерін шаруашылықта пайдалану режимі осы қаулының 2 қосымшасына сәйкес белгіленсін.
- «Жамбыл облысы әкімдігінің Табиғи ресурстар және табиғат пайдалануды реттеу басқармасы» коммуналдық мемлекеттік мекемесіне:
1) бекітілген жобаларға сәйкес жергілікті жерде белгіленген үлгідегі су қорғау белгілерімен, су қорғау аймақтары мен су объектілеріндегі белдеулердің шекараларын бекіту жөніндегі жұмысты жүзеге асыруға міндетті.
2) бекітілген жобалық құжаттаманы Байзақ, Т. Рысқұлов және Шу аудандарының әкімдіктеріне Қазақстан Республикасының заңнамасында белгіленген құзыретке сәйкес шаралар қабылдау және мемлекеттік жер кадастрында есепке алу және су қоры мен жер ресурстарын пайдалану мен қорғауға мемлекеттік бақылауды жүзеге асыру үшін арнайы уәкілетті мемлекеттік органдарға беру;
3) осы қаулының әділет органдарында мемлекеттік тіркелуін қамтамасыз етсін;
4) осы қаулыны ресми жарияланғаннан кейін Жамбыл облысы әкімдігінің Интернет-ресурсында орналастыру;
5) осы қаулыдан туындайтын өзге де шараларды қабылдау.
- Осы қаулының орындалуын бақылау Жамбыл облысы әкімінің жетекшілік ететін орынбасарына жүктелсін.
- Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Облыс әкімі Н.Нұржігітов
Comments are closed.