Шет ауданның мәселесі шет қалмайды

Бұдан кейін облыс әкімі Нұржан Нұржігітов Шөлдала массивінің тұрғындарымен кездесті. – Тараз қаласының маңындағы массивтердің мәселелері кезең- кезеңімен шешілуде. Атап айтсақ, газдандыру жұмыстары жүргізіліп, су құбырлары тартылуда. Ендігі ке зекте жолдарды жөндеуге кірісеміз. Электрмен жабдықтау мәселесін шешу үшін 3 қосалқы станса салу жоспарлануда. Сондай- ақ, «Жайлы мектеп» ұлттық жобасы аясында массивте 600 орындық мектеп салынады, – деді. Келесі кезекте Нұржан Нұржігітов 100 орындық №34 «Бақыт» балабақшасына барды. Балабақша ғимаратын күрделі жөндеуден өткізу үшін Тараз қаласы әкімдігінің білім бөліміне жобалық-сметалық құжаттаманы сапалы әрі уақтылы дайындау жүктелді. Бұдан кейін облыс әкімі Шөлдала тұрғын алқабындағы алғашқы медициналық-санитарлық көмек көрсету орталығының қызметімен танысты. Жуырда ғана мұнда 8 төсектік күндізгі стационар ашылған. Облыс әкімі алқап тұрғындарын сапалы медициналық қызметпен 100 пайыз қамтудың маңыздылығын атап өтті. Су қоймаларын аралау барысында облыс әкімі Шөлдала, Құмшағал, Қызылабад, Казарма, Көлтоған, Жиделі және қала маңындағы 28 саяжайға су құбырларын тарту жобасымен танысты. Құрылыс жұмыстары биыл тамыз айының соңында аяқталады деп жоспарланған. Аймақ басшысы Казарма ауданында салынып жатқан 180 орындық мектептің құрылысын аралап көрді. Облыс әкімі нысан құрылысын оқу жылы басталғанға дейін аяқтауды тапсырды. Сондай-ақ, бұл тұрғын алапта дене шынықтыру- сауықтыру кешені салынуда. Бұл туралы тұрғындар бұған дейін өтініш білдірген болатын.  

«Aq-jol»-Aqparat.