Жуалы

ҚР Тұңғыш Президенті күніне орай Көлтоған ауылында дәрігерлік амбулаторияның жаңа ғимараты пайдалануға берілді. Жаңа нысанның сырты қандай көрікті болса, іші де соған сайма-сай. Ең бастысы, емделуші үшін не қажеттің бәрі де қарастырылған. Тіркеу орнынан бастап күндізгі стационар, әйелдер, балалар және егу бөлмелері, зертхана болсын бөлек-бөлек орналастырылған әрі қажетті құрал-жабдықтармен толықтай қамтамасыз етілген. Бұл жұмыстарға қазынадан 87 миллион теңге жұмсалыпты. Дәрігерлік амбулаторияның ашылу салтанатына ауыл тұрғындары көптеп жиналды. Оған аудан әкімі Б. Құлекеев қатысып, көлтоғандықтар қуанышына ортақтасты.