Мас жүргізушілерді ұстады

26 ақпанда Талас ауданы полиция бөлімінің қызметкерлері жол қозғалысы ережелерін бұзған 52 жастағы жергілікті тұрғынның басқаруындағы «Volkswagen Passat» маркалы автокөлікті тоқтатты. Құжаттарды тексеру кезінде патрульдік полиция батальонының инспекторлары көлік жүргізушісінің мас екенін байқап, оны медициналық куәландыруға жеткізді. Қорытындыға сәйкес, ер адамның мас күйінде болғаны анықталды. Құқық бұзушыға қатысты ҚР ӘҚБтК-нің 608-бабы, 1-бөлігі бойынша әкімшілік хаттама толтырылды. Автокөлік айыппұл тұрағына қойылды. Сондай-ақ, Жуалы ауданы, Б.Момышұлы ауылында патрульдік полиция батальонының қызметкерлері мас күйінде «Лада» маркалы автокөлікті басқарған 32 жастағы ер адамды ұстады, оның сот шешімімен 7 жыл мерзімге көлік құралын басқару құқығынан айырылғаны анықталды. Осы дерек бойынша ҚР ҚК 34-бабының 1-бөлігімен сотқа дейінгі тергеу амалдары басталды.  

Облыстық полиция департаментінің мәліметі бойынша дайындаған

Жүрсінгүл ЖАҚЫП.